Вакцины хоёрдугаар тунг хийлгэх хүртэл халдвар авахгүй байх хэрэгтэй

2021-03-10 439 0

Өнөөдөр нийслэлийн найман дүүрэгт дархлаажуулалтын 46 цэг ажиллаж байгаа бөгөөд Хил хамгаалах ерөнхий газар, Улаанбаатар цахилгаан түгээх сүлжээ, тохижилт үйлчилгээ, цэвэрлэх байгууламж, Дотоод хэргийн их сургууль, худалдаа, үйлчилгээний салбарын ажилтан, алба хаагчдыг дархлаажуулж байна. Тухайлбал, Сүхбаатар дүүргийн гуравдугаар сургууль дээр тус дүүрэгт худалдаа, үйлчилгээ эрхэлдэг иргэд вакцинд хамрагдаж байгаа юм.

Сүхбаатар дүүргийн Эрүүл мэндийн төвийн орлогч дарга Б.Баярмаа “Гуравдугаар сургуулийн цэг дээр 30 гаруй эмч, эмнэлгийн ажилтан ажиллаж байна. Өнөөдөр зах, худалдааны долоон төвийн 800 гаруй хүнийг дархлаажуулалтад хамруулахаас 15:00 цагийн байдлаар 300 гаруй хүнийг хамруулсан.

Иргэд дархлаажуулалтад идэвхтэй хамрагдаж байна. Зарим иргэнд даралт ихсэх шинж тэмдэг илэрч байгаа. Тиймээс вакцинд хамрагдахаар ирэхдээ биеэ бэлдэж, даралт ихэсдэг бол даралтны эмээ ууж ирэхийг анхааруулж байна.

Нэгдүгээр тунг хийлгээд дархлаа тогтохгүй. Дараагийн тунг хийлгэснээр дархлаа бүрэн тогтоно. Тиймээс хоёрдугаар тунг хийлгэх хүртэл халдвар хамгааллын дэглэмээ сайтар мөрдөж, халдвар авахгүй байх хэрэгтэй” гэлээ.

Одоогоор вакцины сөрөг урвал үзүүлсэн тохиолдол гараагүй байна. Гэхдээ тухайн хүний биеийн онцлогоос хамаарч толгой өвдөх, дотор муухайрах, халуурах, вакцин хийлгэсэн газарт бага зэрэг хавдах зэрэг шинж тэмдэг илэрч болзошгүйг эмч, мэргэжилтнүүд хэлж буй юм.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

LIKE дарж нэгдээрэй !!!

Холбоотой мэдээ

Сүүлийн дөрвөн жил Приус машины яндан алдагдсан 892 гомдол иржээ

Нийслэл хотын хэмжээнд сүүлийн дөрвөн жилийн байдлаар Тоёото Приус маркийн авто машины зөөлөн яндан

2022-12-01

БНХАУ-аас 224 автобус оруулж ирнэ

Нийслэл Улаанбаатар хотын авто замын түгжрэлийг бууруулах үндэсний хорооны ээлжит II хуралдаан өчигд

2022-12-01

ШУУРХАЙ: “Тэс Петролиум” ХХК-ийн шатахууны нөөцийн сав ШАТАЖ байна

“Тэс Петролиум” ХХК-ийн шатахууны нөөцийн сав шатаж буйг унтраахаар алба хаагчид ажиллаж байна. Тод

2022-12-01