Говийн 4 аймагт ойрын 2 жилдээ лиценз олгохгүй гэдгээ Уул уурхайн сайд малчдад амлалаа

2022-06-03 234 0

Говийн бүсэд уул уурхай олноор ажилласнаар малчид ус бэлчээргүй болж,амжиргаанаасаа салж,тоосжилт, цөлжилтөд нэрвэгдэх болсон. Дорноговь,Өмнөговь, Говьсүмбэр, Дундговь гэсэн 4 аймгийн 7 сумын малчид нэгдэж, “Нутгаа заруулахгүй” нэртэй жагсаалыг төв талбайд 4 өдөр тасралтгүй хийж, төрд шаардлага хүргүүлсэн. Тэд говьд олгогдсон лицензүүд болон хариуцлагагүй уул уурхай, шороон замын тээвэр зогсоож, уурхайд гүний ус хэрэглүүлэхгүй байхыг шаардсан. Талбайд суулт хийж буй малчдыг өнөөдөр Уул уурхайд сайд Ч.Ёндон хүлээн авч уулзжээ.

Засгийн газар сонгон шалгаруулалтаар ойрын үед нийт 400 гаруй лиценз олгохоор төлөвлөсөн байсан. Эдгээрийн 80 хувь нь дээрхи говийн 4 аймагт олгохоор төлөвлөсөн байсан. Малчдын шаардлагыг хүлээн авч талбайд цугласан 4 аймгийн 7 суманд ойрын 2 жилдээ лиценз шинээр нэмж олгохгүй гэдгээ мэдэгдлээ. Одоо тэгээд үлдсэн аймгийн малчид ирж жагсаж байж л нэмж лиценз олгуулахгүй байх юм уу! Ид ноос, ноолуур, отор нүүдэл, төл нялх, сааль сүүний цагаар ахуй амжиргаа, нялх нойтон хүүхдээ орхиод төв талбайд хэдэн өдөр суутал нь малчдыг бүү зовоо!!!

Сумын төвдөө тоотой орж ирдэг, нэг ч өдрийн байтугай нэг ч цагийн амралтгүй, бүр ганц өглөө нар мандтал унтах эрхгүй хүмүүс малчид билээ. Малчид хюдээр чинь эх орон тусгаар тогнол, өв соёл, үндэсний аюулгүй байдал, хүн амын эрүүл мэнд, монгол гэсэн бүхэн оршин тогтнож буй. Тэднийг зүгээр л төрсөн нутагт нь тайван амьдруул!!! Ирээдүй, эх нутгийнхаа төлөө 4 өдөр суусан мянга, мянган малчдын төлөөлөл та нар минь урагшаа нэг алхлаа. Гэхдээ наадуул чинь хуураад өнгөрнө шүү. Хамгийн гол зүйл бол төрөөс олгосон лицензүүдээ бүрмөсөн цуцлах шүү!!!

Сэтгүүлч Б.Отгон

LIKE дарж нэгдээрэй !!!

Холбоотой мэдээ

Баянзүрх дүүргийн удирдлагууд Хөдөлмөр халамж үйлчилгээний хэлтэс, Гэр бүл залуучуудын хөгжлийн хэлтэст ажиллалаа

Баянзүрх дүүргийн Хөдөлмөр халамж үйлчилгээний хэлтэс болон Гэр бүл хүүхэд залуучуудын хэлтэс шинэ

2022-11-15

ЭХЭМҮТ-ийн Төрөх тасгийг 35 жилийн дараа иж бүрэн засварлаж, олон улсын жишигт нийцүүлжээ

Улсын хэмжээнд хамгийн томд тооцогдох ЭХЭМҮТ нь баригдсан цагаасаа хойш 35 жилийн хугацаанд иж бүрэн

2022-11-07

ОУ-ын STEAM буюу ШИМТ хөтөлбөр Өмнөговь аймагт хэрэгжиж эхэллээ

УИХ-ын гишүүн Д.Бат-Эрдэнийн санаачилгаар хамгийн сүүлийн үеийн сургалтын систем болох “ШИ

2022-11-07