Рентгэн зураг авахуулахдаа цацаргаас хамгаалах хувцас өмсөх хэрэгтэй

2022-02-28 529 0

Улсын хэмжээнд рентген оношилгооны чиглэлээр үйл ажиллагаа явуулж буй 413 эрүүл мэндийн байгууллагад 1084 цацрагийн үүсгүүр, аппарат тоног төхөөрөмж ашигладаг. Үүний 60 хувь буюу 252 шүдний эмнэлэгт 423 рентген аппаратаар оношилгоо хийж байна. Шүд, эрүү нүүрний өвчлөл ихэсч байгаа цаг үед энэ нь сайн талтай ч багагүй зөрчил илэрч буй. Тухайлбал,  Цацрагийн аюулгүй ажиллагааны дотоод дүрэм, Цацрагийн хамгаалалтын хөтөлбөр, Цацрагийн ослын үед авах арга хэмжээний төлөвлөгөөг мөрдөж ажилладаггүй, цацрагийн хамгаалалт, аюулгүй ажиллагаанд дотоод хяналт шалгалтыг тогтмол хийж, хэвшүүлээгүй. Мөн өвчтөн, үйлчлүүлэгчид цацрагаас хамгаалах хувцас хэрэгсэл өмсүүлдэггүй, ажиллагсдаа сургалтад тогтмол хамруулдаггүй, Рентген кабинет, ажлын байранд цацрагийн тунгийн чадлын хэмжилт хийх багажгүй зөрчил илэрдэг.

Иймээс АШУҮИС-ийн НАСТЭ, МХЕГ-ын Сургалт хөгжлийн төв хамтран “Шүд, эрүү нүүрний өвчний үеийн радиологи оношилгоо, цацрагийн хамгаалалт, аюулгүй байдал” сэдэвт хамтарсан сургалт зохион байгууллаа. Нийт 65 байгууллагын эмч, ажиллагсдыг хамруулсан сургалтаар цахим /igov.mn/-аар хэрхэн бүртгүүлэх, хүсэлт илгээх заавар,  ажлын байрны цацрагийн хэмжилт, хамгаалалтын хувцас хэрэглэл,  цацрагийн тухай үндсэн ойлголтууд,  цацрагийн биологийн үйлчлэл, мэргэжлийн шарлагын хувийн тунгийн хяналт зэрэг сэдвээр мэдээлэл түгээв. Түүнчлэн байгууллагын цацрагийн хамгаалалтын хөтөлбөр, төлөвлөгөөтэй байх, цацрагийн болзошгүй ослоос урьдчилан сэргийлэх, цацрагийн хамгаалалт, аюулгүй ажиллагааг сайжруулах талаар зөвлөмж өглөө.

Аж ахуйн нэгжүүд:

  • Цацрагийн үүсгүүр, рентген аппарат, тоног төхөөрөмжийг Мэргэжлийн хяналтын байгууллагын олгосон тусгай зөвшөөрөлтэй ашиглах
  • Рентген зураг авахдаа үйлчлүүлэгч болон цацрагтай ажилладаг мэргэжилтнээ шарлагад өртүүлэхгүй байх нөхцөлийг бүрдүүлэх,
  • Цацрагаас хамгаалах хувцас хэрэгслээр хангах
  • Хүүхдэд оношилгоо хийхдээ эцэг эх, асран хамгаалагчийн зөвшөөрлийг авч, баримтжуулах
  • Рентген аппарат хүлээн авсан тухайгаа хуулийн хугацаанд Мэргэжлийн хяналтын байгууллагад мэдэгдэж байх
  • Цацрагтай ажилладаг мэргэжилтнүүдээ цацрагийн хамгаалалт, аюулгүй байдлын сургалтад тогтмол хамруулж, гэрчилгээжүүлэх шаардлагатай.

Иргэдийн хувьд рентген зураг авахуулахдаа цацрагаас хамгаалах хувцас хэрэгсэл шаардан өмсөх, хэрвээ жирэмсэн бол эмчлэгч эмчдээ заавал хэлэх, шаардлагагүй тохиолдолд давтан зураг авахуулахгүй байх хэрэгтэй юм.

LIKE дарж нэгдээрэй !!!

Холбоотой мэдээ

ЗӨВЛӨГӨӨ: Ургамлын харшилтай хүмүүст тус болох НАЙМАН ЭНГИЙН АРГА

Урин дулаан цаг ирж байгаль дэлхий өнгө нэмж байгаа нь сайхан ч харшилтай хүмүүсийн хувьд эсрэгээрээ

2022-08-08

Рентгэн зураг авахуулахдаа цацаргаас хамгаалах хувцас өмсөх хэрэгтэй

Улсын хэмжээнд рентген оношилгооны чиглэлээр үйл ажиллагаа явуулж буй 413 эрүүл мэндийн байгууллагад

2022-02-28

Утаа шүүгчийг буруу угсарч, суурьлуулсны улмаас орчны бохирдол ихэсчээ

Ховд аймгийн төв Жаргалант сумын агаар, орчны бохирдлын хэмжээ нэмэгдсэнтэй холбогдуулан аймгийн Мэр

2022-02-22