ЦЕГ: Толгой дээрээ халуун кофе асгуулсан 18 настай М-д гэмтлийн зэргийг тогтоох мөрдөгч томилжээ

2022-03-03 147 1

Олон нийтийн сүлжээнд Цагдаагийн албан хаагч эмэгтэй хүнд халдсан бичлэг цацагдаад байгаа. Гэвч бичлэгийг цацсан эмэгтэй кофе шопд бусдын толгой дээр халуун кофе асгасан байна.

Хэргийн талаар ЦЕГ-ын Хэвлэл мэдээллийн төвийн ахлах мэргэжилтэн, цагдаагийн хошууч Б.Дэлгэрхангай “Өчигдөр буюу 2022 оны гуравдугаар сарын 1-ний өдөр 15:16 минутад Сүхбаатар дүүргийн 1 дүгээр хороо, Шангри Ла молл төвийн нэг давхрын кофе шопд “Танихгүй хүн манай найзын толгой дээр халуун кофе асгачихлаа” гэсэн дуудлага цагдаагийн байгууллагад бүртгэгдсэн.

Энэ дуудлагын дагуу кофе асгасан гээд байгаа 22 настай “А” гэх эмэгтэйг Сүхбаатар дүүрэг дэх Цагдаагийн Нэгдүгээр хэлтэс дээр мэдүүлэг авахаар хөдөлгөөнт эргүүлийн алба хаагчид хүргэсэн.

Мэдүүлэг авахаар хүргэж очсоны дараа тус эмэгтэй СБД-ийн Нэгдүгээр хэлтсийн мөрдөгчтэй үл ойлголцсон, маргалдсан асуудал гарсан. Уг асуудалд СБД дэх цагдаагийн газраас дотоод албаны шалгалтыг хийж байгаа бөгөөд одоогоор албаны шалгалтын дүн эцэслэн гараагүй байна.

Харин хүний толгой дээр халуун кофе асгасан хэрэгт мөрдөн шалгах ажиллагаа явагдаж байна. Яагаад маргалдсан асуудал нь зөвхөн мөрдөн шалгах ажиллагааны явцад тодорхой болно. Хохирогч 18 настай М-д гэмтлийн зэргийг тогтоохоор мөрдөгч томилсон” гэсэн тайлбарыг өгчээ.

Жич: Бусдын толгой дээр халуун кофе асгасан эмэгтэй өмгөөлөгч Г.Батбаярын төрсөн охин, 22 настай эмэгтэй байсан бөгөөд энэ талаар Г.Батбаяр тайлбар өгөхдөө “Охиноосоо тусдаа амьдардаг. Хэрэг явдлын талаар дуулаагүй” гэсэн байна.

LIKE дарж нэгдээрэй !!!

Холбоотой мэдээ

СЭРЭМЖЛҮҮЛЭГ: Монгол иргэн Байгал нуурт живж, амиа алджээ

Энэ сарын 09-ны өдөр /2022.08.09/ ОХУ-ын Буриадын Байгал нуурын Кабанскийн дүүрэгт байрлах онгоцны з

2022-08-11

“Хүн-Од”, “Эрүүл монгол мах эко” зэрэг компанийн махнаас ЭМГЭГ ТӨРҮҮЛЭГЧ НЯН илэрлээ

Сонгинохайрхан дүүргийн 32 дугаар хороонд байрлах Эмээлтэд үйл ажиллагаа явуулж байгаа мах, махан бү

2022-08-11

Хорих ангийн алба хаагчид архи согтууруулах ундаа хэрэглэсэн үед нь хоригдлууд ОРГОЖЭЭ

Өвөрхангай аймагт байрлах ШШГЕГ-ын Хархорин сум дахь Сум дундын хорих 423 дугаар ангид ял эдэлж байс

2022-08-11