Б.Баатархүү: С.Жавхлан дуудсан хугацаанд ирэхгүй бол албадан авчирч, мэдүүлэг авна

2021-10-22 250 0

ЦЕГ-аас УИХ-ын гишүүн асан С.Жавхлан мэдүүлэг өгсөн эсэх асуудлаар мэдээлэл өглөө.

ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү: “Энэ оны аравдугаар сарын 19-ний өдөр иргэн О.Отгонтөгс хэвлэлийн бага хурал хийж, МУГЖ С.Жавхлан “Хамаг Монгол” төслийг хэрэгжүүлнэ гэж Сангийн сайдаас 4 тэрбум төгрөг шантаажилсан гэсэн гэмт хэргийн шинжтэй мэдээлэл олон нийтэд мэдээлсэн. Ингээд иргэн О.Отгонтөгс цагдаагийн байгууллагад гомдол гаргасан.

Одоогоор Эрүүгийн цагдаагийн албанаас уг мэдээллийн дагуу шалгалт хийж байгаа бөгөөд Сангийн сайд Б.Жавхлан болон Сангийн яаманд ажилладаг гурван гэрчээс гэрчийн мэдүүлэг аваад байгаа. Дараа нь албаны утсаар УИХ-ын гишүүн асан С.Жавхлан руу 11 удаа залгахад утсаа аваагүй. 10 дугаар сарын 20-ны өдөр мөрдөгчийн дуудах хуудсыг өгсөн боловч ирээгүй. Харин өнөөдөр Прокурорын дуудах хуудсыг хуулийн дагуу хүргүүллээ. Гэсэн ч мөн хүлээж авсангүй.

С.Жавхлан нь хүлээж авахгүй байх шалтгаанаа янз бүрээр тайлбарлаж байгаа ч иргэн бүр хуулийн өмнө тэгш эрхтэй байх ёстой. Хуулийн дагуу дараагийн арга хэмжээ нь шүүхийн захирамжаар албадан ирүүлнэ” гэсэн юм. 

LIKE дарж нэгдээрэй !!!

Холбоотой мэдээ

Малчдад 14 сая төгрөгийн хохирол учруулсан хулгайчдыг баривчилжээ

Сүхбаатар аймгийн Мөнххаан сумын нэгдүгээр багийн нутаг дэвсгэр болох “Наран саран”, “Хажуу”, “Гайха

2022-11-30

ОРХОН: “Хүртээмжтэй хөгжлийг дэмжих нь” нэгдсэн өдөрлөг болж байна

Жил бүрийн арванхоёрдугаар сарын 3-нд Хөгжлийн бэрхшээлтэй хүний эрхийг хамгаалах олон улс

2022-11-30

“Эрдэнэтэд үйлдвэрлэв-2022” үзэсгэлэн худалдаа боллоо

Орхон аймгийн жижиг, дунд үйлдвэрлэл эрхлэгчдийн бараа бүтээгдэхүүнийг сурталчлах зорилгоор зохион б

2022-11-30