Хакухо зодог тайлах болсныг мэдэгдлээ

2021-09-27 648 0

Мэргэжлийн сүмогийн 69 дэх их аварга Хакүхо М.Даваажаргал зодог тайлж буй тухай мэдээ өнөө өглөөнөөс Японы хэвлэлүүдэд гарах болсон. Тэгвэл энэ талаарх мэдээллийг Японд суугаа Монголын ЭСЯ-наас МҮОХ-нд ирүүллээ.

Уг мэдээлэлд “Японы мэргэжлийн сүмо бөхийн аварга Хакүхо М.Даваажаргал 2021 оны есдүгээр сарын 27-ны өдөр зодог тайлахаар болсон талаар “Эн-Эйч-Кэй” агентлагаас тус өдрийн өглөө 05 цаг 19 минутад мэдээлэв. Хакүхо М.Даваажаргал 2007 онд мэргэжлийн сүмо бөхийн 69 дэх аварга буюу ёкозүна цол хүртэж, 14 жилийн турш дээд зиндаанд 45 удаа түрүүлэн 1187 даваа авсан юм. Тэрбээр энэ жилийн Нагоя башёд нэг ч уналгүй 15 даваатайгаар түрүүлж, 45 дахь түрүүгээ хүртэн өөрийн тогтоосон дээд амжилтыг шинэчилсэн билээ. Тус барилданы дараа тэрбээр “Эн-Эйч-Кэй” агентлагийн сурвалжлагчид “Миний бие хэд хэдэн гэмтлийн улмаас сайнгүй байна. Цаашдынхаа барилдааны талаар бодох зүйлүүд байна” хэмээн ярьж байв” хэмээн бичжээ.

Ийнхүү мэргэжлийн сүмо бөхийн домогт аварга маань тамирчны замналаа өндөрлүүллээ. Хакүхо М.Даваажаргалдаа ирээдүйн шилдэг сүмочдыг бэлдэх цаашдын замналд нь амжилт хүсье.

LIKE дарж нэгдээрэй !!!

Холбоотой мэдээ

Койны хохирогч: О.Мөнхжинд итгээд 140 сая төгрөгөө койнд алдчихлаа

"IHC” койн худалдан авч хохирсон гэх иргэн их хэмжээний мөнгөө залилуулж, өөрсдийн автомашин, орон б

2023-02-01

“Тавантолгой түлш” ХХК таван жилийн ойн хүрээнд таван бүтээлч ажил өрнүүлнэ

Нийслэлийн гэр хорооллын айл өрхийг шахмал түлшээр тасралтгүй, найдвартай хангах чиг үүрэг бүхий “Та

2023-02-01

Чингэлтэй дүүрэг ахмадууддаа 300 сая төгрөгөөр БЭЛЭГ авч өгнө

Сүхбаатар дүүрэг 900 сая төгрөгөөр эмэгтэйчүүддээ бэлэг худалдан авах тендер зарласан ч нийгмийн сүл

2023-01-31