Байгалийн түүхийн музейн суурин дээр Чингис хаан музейн барилгын ажлыг өнгөрсөн оны тавдугаар сард эхлүүлсэн. Музейн барилгыг энэ жил Ардын хувьсгалын түүхт 100 жилийн ойн баяраас өмнө ашиглалтад оруулахаар ажиллаж байгаа юм. Өнөөдрийн байдлаар Чингис хаан музейн бүтээн байгуулалтын ажлын явц 95 хувьтай үргэлжилж байна.
Энэ талаар Соёлын яамны Хөрөнгө оруулалт, үйлдвэрлэлийн газрын гэрээт инженер Д.Энхээ “Чингис хаан музейн барилгын бүтээн байгуулалтын ажил 95 хувьтай үргэлжилж байна. Одоо засал, чимэглэлийн ажлууд үлдсэн. Цар тахлын нөхцөл байдлаас шалтгаалан долдугаар сарын 1-нд ашиглалтад орно гэж хэлэх боломжгүй. Гэхдээ долдугаар сарын 8-наас өмнө хүлээлгэн өгөх төлөвлөгөөтэй байгаа. Барилгын хананд хийх тамгануудыг бүрэн хийж дуусаагүй байна” гэв.
0 cэтгэгдэлтэй