Зургаахан хоног үлдсэн Монгол Улсын Ерөнхийлөгчийн 2021 оны ээлжит сонгуулийн санал авах ажиллагаанд эрх зүйн шинэ зохицуулалтыг бий болгож, коронавируст халдвар /КОВИД-19/-ын улмаас эмчлүүлэгчид болон тусгаарлагдсан иргэд, дайчлагдан ажиллаж буй алба хаагчид, эмч, эмнэлгийн ажилтнууд, бусад иргэдийг зөөврийг битүүмжилсэн саналын хайрцгаар санал авах зохион байгуулалтыг хийж байна.
Мөн гэрийн тусгаарлалтад байгаа хүмүүс ч зөөврийн битүүмжилсэн саналын хайрцгаар санал өгөх хүсэлтээ 2021 оны 06 дугаар сарын 05-нь буюу энэ долоо хоногийн бямба гараг хүртэл харъяа хэсгийн хороондоо гаргах бол зөөврийн битүүмжилсэн саналын хайрцгаар санал авах ажиллагааг 2021 оны 6 дугаар сарын 08-ны өдөр 09:00-20:00 цагт орон даяар зохион байгуулна.
Өнөөдрийн байдлаар гэрийн тусгаарлалтад 4300-гаад хүн байна.
Улсын хэмжээнд 119 тусгаарлах байранд 6,308 иргэн байна.
Үүнээс,
- Нийслэлийн 29 тусгаарлах байранд Монгол Улсын 1,095, гадаадын 64 гээд нийт 1,159 иргэн,
- Эмнэлгийн 31 байршилд 3,890 хүн байгаа юм.
Харин орон нутагт 59 эмнэлэг болон тусгаарлах ажиглах байранд манай улсын 1,259 иргэн тусгаарлагдаж буй.
Тухайн тусгаарлан ажиглах байруудад Онцгой, Цагдаа, Эрүүл мэндийн байгууллагын нийт 1,017 төрийн алба хаагч үүрэг гүйцэтгэж байна гэж
УОК-ын Шуурхай штабаас мэдээллээ.
LIKE дарж нэгдээрэй !!!
0 cэтгэгдэлтэй