11-хүнд элэг бүтэн амьдрах аз жаргалын түлхүүрийг гардуулан өглөө. /Ангууч/ Б.Баттөр: “Өнгөрсөн долдугаар сард Ариунболор дүү маань найман дүүгээ дагуулаад тусалж дэмжиж өгөөч гээд ирж байсан. Тэр үед олон ухаантай, хөөрхөн дүү нарыг нь хараад Мөөгий ах бид хоёр нь чадахаараа тусална гэж амласан.

Тиймээс би төрсөн өдрөө Ариунболор дүүдээ зориулан хандив цуглуулж эхэлсэн. Үнэнийг хэлэхэд би нэг зүйлээс л их айж байсан. Энэ олон хүүхдийг тухтай, аюулгүй байлгах байранд би оруулж чадах болов уу. Хэрэв чадахгүй бол яана гээд… Хүн гэхдээ сайхан зүйл бодож явахад сайн хүмүүстэй учирдаг юм билээ.

Анх Давка найзтайгаа уулзаж энэ талаар хэлэхэд “Сөүл Гарден” цогцолборын захиралтай уулзуулж, холбож өгсөн. Харин өнөөдөр мөрөөдөл маань биелж байна. Өчигдөр би бүжиглэхээр тайз руу гарахын яг өмнөхөн Батбаатар, Давка хоёр залгаад нэг дэхь өдөр байрыг нь өгөхөөр болсон гэж хэлсэн. Би Ариунболор дүүгээ дүү нартайгаа байрандаа орж байгааг нь төсөөлөөд унтаж чадаагүй” хэмээн ярилцлага өгчээ. Ангууч шиг нийгэмд үлгэр жишээ үзүүлж буй залуусын төлөөлөл  олон байгаасай.

SURVALJ.MN 

Г.Тэмүүлэн