Загастайн давааны зам нээлтээ хийх гэж байхад зөвлөх компани шалгаруулах тендер зарлажээ

2021-10-25 195 0

Өнгөрсөн наймдугаар сард “Загастайн даваа”-нд зам ирлээ, Завхан нутаг улам ойртлоо гэсэн пиар хүчтэй явсан. Монгол орны Тарвагатайн нуруунд байрлах хамгийн хүнд, бэрхшээлтэй нөхцөлд тооцогдох хүндрэлтэй давааг хатуу хучилттай авто замаар холбох энэ ажлыг “Арж роуд” ХХК, “Түм арвижих” ХХК-иуд гүйцэтгэж байгаа. Өнгөрсөн наймдугаар сард л Загастай давааны замын ажил 98 хувийн гүйцэтгэлтэй, 10 дугаар сард бүрэн дуусгаж, ашиглалтад оруулахаар төлөвлөсөн гэж зарласан. Үнэхээр Загастайн давааны ажил дуусаж, нээлтээ хийж тууз хайчлахаар Зам тээврийн хөгжлийн яам даяараа бэлдэж байгаа гэх. Загастайн давааны замын ажил дууслаа гэж энэ 10 дугаар сарын 12-нд Монцамэ агентлагийн мэдээнд дурдагдсан.

Гэтэл зүүдэнд ч оромгүй явдал болж, Өдрийн сонины өнцгөөс хачирхалтай зарлал харлаа. Ажил нь дуусаж, нээлтээ хийхэд буй Загастай замын тендерийн урилга 10 дугаар сарын 19-нд зарлагджээ. Тендер шалгаруулалтын нэр  “Тосонцэнгэл- Улиастай чиглэлийн Загастайн давааны 67 км хатуу хучилттай замын дуусгал “Завханд” барилгын ажилд техник технологийн хяналт тавих зөвлөх үйлчилгээ үзүүлэгчийг урьж байна” гэжээ. Загастайн даваанд зам тавих төсөв 6,5 тэрбум төгрөг. Гэтэл зөвлөх үйлчилгээ компаниа ажил дуустал сонгоогүй явсан гэсэн үг үү,  тус замыг зөвлөх, хяналтгүй гүйцэтгээд байсан юм уу.

Замын нэг обьектын талбайн хяналтыг одоо 2-3 угсраа тендерээр сонгон шалгаруулалт явуулж хийлгэдэг болж байгаа юм уу? Жигтэй юм үзэх нь үү гэж иргэд гайхаж хачирхаж байна.

Зам тээврийн салбарын ажил ямархуу байгааг Дарханы замаас нэг харж болно биз ээ. Гэхдээ Халтар сайдын үе шиг тендер шалгаруулалт нь хүртэл ийм улаан цагаандаа гарчихсан үйлдэл хэзээ ч Зам тээврийн хөгжлийн яамны түүхэнд гарч байгаагүй билээ.

 
LIKE дарж нэгдээрэй !!!

Холбоотой мэдээ

СЭРЭМЖЛҮҮЛЭГ: Монгол иргэн Байгал нуурт живж, амиа алджээ

Энэ сарын 09-ны өдөр /2022.08.09/ ОХУ-ын Буриадын Байгал нуурын Кабанскийн дүүрэгт байрлах онгоцны з

2022-08-11

“Хүн-Од”, “Эрүүл монгол мах эко” зэрэг компанийн махнаас ЭМГЭГ ТӨРҮҮЛЭГЧ НЯН илэрлээ

Сонгинохайрхан дүүргийн 32 дугаар хороонд байрлах Эмээлтэд үйл ажиллагаа явуулж байгаа мах, махан бү

2022-08-11

Хорих ангийн алба хаагчид архи согтууруулах ундаа хэрэглэсэн үед нь хоригдлууд ОРГОЖЭЭ

Өвөрхангай аймагт байрлах ШШГЕГ-ын Хархорин сум дахь Сум дундын хорих 423 дугаар ангид ял эдэлж байс

2022-08-11