Синофарм вакцины хос тунг тариулсан Монгол Улсын иргэдийг Өмнөд Солонгост ирэхэд нь тусгаарлахгүй

2021-06-15 571 0

Өмнөд Солонгосын засгийн газар вакцинжуулалтад бүрэн хамрагдсан гадаадын иргэдийг долдугаар сарын 1-нээс эхлэн тусгаарлалгүйгээр нэвтрүүлэх болсон байна.

Тусгаарлагдалгүй хил нэвтрэх гадаадын иргэдэд AstraZeneca, Covishield, Johnson & Johnson, Moderna, Pfizer, Sinopharm, Sinovac үйлдвэрийн вакцинуудын хос тунг ирэхээсээ доод тал нь хоёр долоо хоногийн өмнө, хоёуланг нь нэг улсад тариулсан байх шаардлага тавихаар болжээ.

Харин вакцинжуулалтад бүрэн хамрагдсан хэдий ч цар тахлын нөхцөл хүнд байгаа Бангладеш, Ботсвана, Бразил, Чили, Экваторын Гвиней, Эсватини, Малави, Мозамбик, Парагвай, Өмнөд Африк, Суринам, Танзани, Зимбабве улсуудаас ирэх зорчигчид заавал тусгаарлагдах юм байна.

Их Британи, Энэтхэг улсуудыг дээрх жагсаалтад оруулаагүй нь эдгээр орнуудад тархсан коронавирусийн хувилбаруудад вакцин нөлөөлдөггүй гэх шинжлэх ухааны үндэслэлтэй баталгаа олдоогүйтэй холбоотой гэнэ.

Цаашдаа эрсдэл нэмэгдсэн орнуудыг дээрх жагсаалтад нэмж оруулахаар болжээ.

Өмнөд Солонгост ирэгсэд бас гурван удаа шинжилгээ өгөх шаардлагатай болсон байна. Эхний шинжилгээг Өмнөд Солонгост ирэхээсээ өмнө 72 цагийн дотор хийлгэсэн байх ёстой бол дараагийн хоёрыг нь ирмэгцээ болон ирээд нэг долоо хоногийн дараа хийлгэх гэнэ.

Зорчигчид бас эрүүл мэндийн нөхцөл байдлаа өдөр тутам мэдээлэх аппликэйшнийг гар утсандаа суулгах ёстой болжээ.

Хэрвээ вакцины болон шинжилгээний бичиг баримтыг хуурамчаар үйлдсэн нь илэрвэл нэг жил хүртэл хугацаагаар шоронд хоригдох, эсвэл 10 сая воны торгууль төлөх юм байна.

Эх сурвалж: Chosun Ilbo

LIKE дарж нэгдээрэй !!!

Холбоотой мэдээ

Койны хохирогч: О.Мөнхжинд итгээд 140 сая төгрөгөө койнд алдчихлаа

"IHC” койн худалдан авч хохирсон гэх иргэн их хэмжээний мөнгөө залилуулж, өөрсдийн автомашин, орон б

2023-02-01

ЕБС-ийн захирал асан дөрвөн багшид үндэслэлгүйгээр ур чадварын нэмэгдэл олгон өөртөө авч байжээ

Хөвсгөл аймгийн Бугат сумын ерөнхий боловсролын сургуулийн захирлаар ажиллаж байсан А нь эрх мэдэл,

2023-01-31

Цахим орчинд “зээл гаргана” гэж иргэдийг хохироосон этгээдүүдийг баривчилжээ

Цахим орчинд "Зээл гаргана" хэмээн зар оруулан иргэдийн хувийн мэдээллийг авч, их хэмжээний хохи

2023-01-31