Талийгаач Ш-ийн охин Ш.Нандиндулам: Ээж минь төрснөөсөө хойш бие нь эрүүл, эмчид үзүүлж байгаагүй

2021-05-12 441 1

Өчигдөр нэгэн охин цахим хуудастаа Ээж маань вакцин хийлгээд нэг хоноод, нас барчихлаа. Миний охин дүүгээ тэвэрч бай. Ээж нь гарч, нойл орчихоод ирье” гээд яваад эргэж ирсэнгүй” гэсэн пост оруулсан. Тэгвэл талийгаачийн охин өнөөдөр хэвлэлүүдэд ярилцлага өгчээ.

Тэрээр “ээж минь тавдугаар сарын 9-нд вакцинаа хийлгэсэн. Вакцин хийлгэхдээ эмчээс нь “Төрөөд нэг сар болж байгаа хүн вакцин хийлгэж болох уу” гэж асуухад эмч нь Сар болчихсон бол болно гэж хэлэхээр нь хийлгэсэн. Вакцин тариулсан өдрөө хариу урвал илрээгүй, зүгээр байсан. Гэтэл маргааш орой нь гэнэт бурхан болчихлоо. Эрүүл байсан гэдгийг нь илтгэх бичиг баримт байгаа. Төрснөөсөө хойш бие нь эрүүл, эмчид үзүүлж байгаагүй. Ээжийн хэлснээр бол даралтыг нь үзээгүй, асуумж бөглүүлсэн гэсэн.Шүүх шинжилгээний дүгнэлт нь 14 хоногийн дараа гарах юм билээ. Аав минь сэтгэл санаа нь хямарсан байдалтай байгаа. Нялх дүү нэмэлт сүүгээр хооллож байгаа. Ээжийгээ нэхэж маш их уйлж байна. Бид яах учраа олохгүй үнэхээр хэцүү байна. Эрүүл байсан ээж минь вакцин хийлгээд л нас барчихлаа” гэж ярьжээ.

Харин уг асуудлаар ЭМЯ-ны хэвлэлийн төлөөлөгч Б.Ууганбаяр хэлэхдээ,  “Вакцинаас болж нялх биетэй эмэгтэй нас барсан эсэхийг ШШҮХ хүрээлэн тогтооно. Үүний дараа Эрүүл мэндийн яамнаас тодорхой мэдээлэл өгөх болно” гэсэн юм.

SURVALJ.MN, Г.ТЭМҮҮЛЭН

LIKE дарж нэгдээрэй !!!

Холбоотой мэдээ

Койны хохирогч: О.Мөнхжинд итгээд 140 сая төгрөгөө койнд алдчихлаа

"IHC” койн худалдан авч хохирсон гэх иргэн их хэмжээний мөнгөө залилуулж, өөрсдийн автомашин, орон б

2023-02-01

ЕБС-ийн захирал асан дөрвөн багшид үндэслэлгүйгээр ур чадварын нэмэгдэл олгон өөртөө авч байжээ

Хөвсгөл аймгийн Бугат сумын ерөнхий боловсролын сургуулийн захирлаар ажиллаж байсан А нь эрх мэдэл,

2023-01-31

Цахим орчинд “зээл гаргана” гэж иргэдийг хохироосон этгээдүүдийг баривчилжээ

Цахим орчинд "Зээл гаргана" хэмээн зар оруулан иргэдийн хувийн мэдээллийг авч, их хэмжээний хохи

2023-01-31